Gipuzkoako aisia eta turismoaren kultur informazio osoa
  1. Hasiera
  2. Ekitaldiak / Bisitak eta Txangoak / Bisita Gidatuak
  3. Erakusketa: Chema Madoz - Ars combinatoria

Erakusketa: Chema Madoz - Ars combinatoria

Herria: Donostia / San Sebastián

Lekua: Tabakalera - Kutxa Kultur Artegunea

Ordua:  

Hasiera: 21/07/2017

Bukaera: 05/11/2017

Sarrerak: 0,00 €


Ekitaldi gehiago Tabakalera - Kutxa Kultur Artegunea

Lotura interesgarriak

Erakusketak ibili luzea egiten du Chema Madozen lanean zehar. Artistak oro har izandako ibilbidea jorratzen du, bere lanak orain arte izan dituen estadioen ikuspegi zabala ematen du, baita bere bilakaeraren eta berari deigarri gertatu zaizkion objektuen aldaketen ikuspegia ere.

Chema Madoz (Madrid, 1958) egungo arte-eszenako sortzailerik interesgarrienetako bat bihurtu dute artea argazkigintzaren bidez interpretatzeko modu bereziak eta bere ikuspegi poetikoak. Bere lanak gauzakien artean ezkutaturiko harremanak erakusten ditu eta ikusmenaren tranpak ikertzen ditu, leiho bat irekiz guk mundua hobeto ulertzeko.

Gertakizuna azpimarratu eta objektuen azpian datzan ironia nabarmendu nahi du Chema Madozek. Objektuekin lan egiten du eta era askotara jartzen da beraien aurrean: aurkituriko objektua aldatu gabea, objektu manipulatua eta berak estudioan asmatu eta eraikitako objektua. Artistak objektuen zizelkaritzat dauka bere burua, argazkilari baten ikuspuntutik diharduelarik, eta esaten du argazkigintza oroimenaren erregistroa dela, bere ideiak finkatzea ahalbidetzen diona. Erabiltzen dituen prozeduretan (objektuei ezartzen dizkien kondentsazioetan, asoziazioetan, elkarren ondoan jartzeetan, desplazamenduetan, ars combinatoria-n, ustekabeko topaketetan…) Madoz surrealisten ahaide da esanahi berrien, ahaidetasun berrien, irudimenari noraezean uzteko bide berrien bilaketa horretan. Desplazamendu, itxuraldaketa, konbinazio edo objektuen arteko harreman-bilaketa hauetan bada halako arintasun bat ere, jokoaren ideiarekin lotzen dena.

Sortzaile honen desplazamendu formaletako batzuk minimoak dira, baina berebiziko eraginkortasuna dute. Egunerokoak asoziaziorik bitxienak inspiratzen dizkio eta horietan beti dago joko-atze edo oinarri bat. Keinu eta eraikuntza horietan arraroenak normal itxura izatea lortzen du, sandalia bat botaren gainean jartzen duenean bezala. Gauzen aldaketa sotilak, gehikuntzak edo kenketak, desplazamenduak edo itxuraldaketak, harridura berezi bat sortzen dutenak, erakusten saiatzen da.

Oliva María Rubio - Erakusketaren komisarioa

BISITA GIDATUAK
Doako ikustaldi gidatuak igandero
18:30ean euskeraz
19:30ean gazteleraz
Ezinbestekoa da erreserba egitea  943 00 17 30 telefonoan edo Aretoan bertan

AUDIOGIDA-ZERBITZUA
Chema Madoz. Ars Combinatoria, erakusketarekin batera audiogida zerbitzua lau hizkuntzean(Euskera gaztelera, inglesa eta frantsesa) aurki daiteke.
3,00 € audiogida bakoitza
Indukzio magnetikoko begizta-zerbitzua ere badago audifona "T" (telebobina) posizioan erabiltzen dutenentzat

FAMILIENTZAKO TAILERRAK
Familientzako Tailerrak 5 eta 11 urte arteko parte-hartzaileentzat, helduek lagunduta
Igandero 12:00etatik 13:30era
Prezio orokorra: 3,00 €
Ars Combinatoria erakusketak Chema Madozen argazkigintzaren unibertsoan murgiltzeko aukera ematen digu. Egilearen argazkiak jolas bat dira zentzumenentzat, eta bere obrak eragiten digun ezustekoak tailer dinamizatu batean parte hartzera garamatza, lagunartean Chema Madoz ezagutu ahal izateko.
Tailerrean, hainbat objekturen arteko konbinazioa egingo dugu, eta argazkiak ere aterako dizkiegu, aukera guztiak arakatu ahal izateko. Hala, ohartuko gara, irudimenarekin
Argibideak eta erreserbak 943 00 17 30  telefonoan edo posta elektronikoz: hezkuntza_artegunea@kutxakulturartegunea.eus

IKASTETXE ETA KOLEKTIBOENTZAKO JARDUERAK

  • Ikustaldi gidatuak
    Iraupena: 60 min
    Jardueraren kostua: 60,00 €

  • Bisita-tailerra
    Iraupena: 90 min
    Jardueraren kostua: 80,00 €

Ordutegia - Asteartetik igandera: 11:30-13:30 / 17:00-21:00

Ekitaldiaren Babesleen Loturak

Kutxa Kultur Artegunea

Kartela
Musika Gipuzkoan twitter Facebook Txikiweb Erakusketak